Magkasunod na naipanalo ng Elementary Baseball team ang elimination round kontra Batangas City at Cabuyao City, 17-3 at 16-1, sa San Miguel open field ngayong Marso 8-9.

 

Umabot lamang sa 4 na innings ang banggaan kontra Cabuyao na nag-udyok sa committee na itigil na ang laro base sa 15-score gap rule. Ito ay kaugnay ng kanilang napag-kasunduan noong solidarity meeting.

 

Ang bawat tandem ay binigyan ng 5 innings bago matapos ang laro depende sa laki ng lamang.

Naisagad naman sa limang ikot kontra Batangas City ang tunggalian.

 

Naghahangad pa ang team Calamba ng isang panalo upang makapasok sa quarter finals kontra Carmona ngayong Marso 11.

 

Ayon kay G. Ruel Regis, coach ng Calamba, pilit nilang pananatilihin ang momentum ng galaw ng kanyang pangkat para tuluyang ma-secure ang slot ng quarters.

 

“Na -orient ko na sila. Sabi ko na walang babaguhin sa play natin. Saka nakita ko na rin ang galaw nila noong isang araw,” banggit ng coach.