Isang mag-aaral mula sa Jose Rizal Memorial School ang nagbigay ng karangalan sa kanyang paaralan at dibisyon matapos tanghaling kampeon sa HISTO-POP – Kasaysayan ng Pilipinas Quiz sa 2025 Regional Festival of Talents (RFOT).

 

Si Jeddiah A. Borlagdan, mag-aaral sa Baitang 6, ay nagpakita ng pambihirang husay sa kasaysayan ng Pilipinas, pinatunayan ang kanyang dedikasyon at pagmamahal sa pag-aaral.

 

Sa kabila ng matinding kompetisyon laban sa iba pang mahuhusay na mag-aaral sa rehiyon, nagbunga ang kanyang pagsisikap at pagsasanay, na nagbigay-daan upang makuha niya ang kampeonato sa prestihiyosong patimpalak.

 

Ang kanyang tagumpay ay hindi lamang sumasalamin sa kanyang husay kundi itinatampok din ang dangal ng Jose Rizal Memorial School, na nagbibigay inspirasyon sa kapwa mag-aaral na pahalagahan at pagyamanin ang kasaysayan ng ating bansa.